داليا البحيري تكشف كواليس مشاركتها في مسرحية سيدتي أنا

حكت الفنانة داليا البحيري كواليس مشاركتها في بطولة مسرحية سيدتي انا والمقرر عرضها على المسرح القومي خلال الفترة المقبلة. 

وكتبت داليا على حسابها على موقع التواصل الاجتماعي فيس بوك قائلة أنا لما بدأت پروڤات مسرحية سيدتي أنا من ٨ شهور كنت عايزة اعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة لأن معظم شغلي كان سينما ودراما تليفزيونية..وبعد شوية ولما الشغل ابتدا يبان خفت…خفت قوي وحسيت اني مش حأقدر علي المجهود ده وبقيت أقوم من النوم خايفة ومخضوضة حأعمل ايه ؟! يمكن مش حأقدر أنا كان مالي ومال المسرح طب اعتذر ؟! بس دعيت ربنا يقويني ويكون جنبي …لسه مرعوبة من فكرة بذل المجهود البدني والذهني دة كل يوم …بس بقول ربنا مش بيضيع تعب حد أبداً 
متشكرة يا محسن يا رزق.

أنا بس عايزة أقولك انك مش واخد حقك علي كل المستويات…انت مخرج معجون موهبة مش بس مخرج متمكن جدا من أدواتك المسرحية كلها من ديكور لمزيكا لاستعراضات لإضاءةلصوت لإيقاع لإحساس لإدارة ممثل …لا انت كمان ممثل شاطر قوي  وحساس جدا وعندك ضمير في كل حاجة بتعملها…ميزانك من الماظ…فاهم يعني ايه ايقاع وتمپو وپاور وإحساس واهم حاجة إن نمرة واحد عندك هو الجمهور …واحترامك ليهم طول الوقت هو هدفك الأوحد…أنا حقيقي بتعلم منك كل يوم ….شكرا علي تعبك معانا كلنا وعلي صبرك عليا وانسانيتك مع كل الناس من الصغير للكبير وصديقي محسن رزق انت في حتة تانية